ವಿಡಿಯೋ : ಮೈ ಜುಮ್ಮೆನಿಸಿಸುವ ಇಂಡಿಯಾ vs ಬಾಂಗ್ಲಾದೇಶ ಫೈನಲ್ ನ ಕೊನೆಯ ಓವರ್!!
ಕೊನೆಯ ಎಸೆತದವರೆಗೂ ರೋಚಕತೆ ಕಂಡ ಪಂದ್ಯದಲ್ಲಿ ಭಾರತಕ್ಕೆ ಭರ್ಜರಿ ಜಯ ಗಳಿಸಿದೆ. ಶ್ರೀಲಂಕಾದಲ್ಲಿ ನಡೆದ ಟಿ20 ತ್ರಿಕೋನ ಸರಣಿಯ ಫೈನಲ್ನಲ್ಲಿ ಬಾಂಗ್ಲಾವನ್ನ 4 ವಿಕೆಟ್ಗಳಿಂದ ಮಣಿಸಿದೆ. ಕೊನೆಯ ಎಸೆತಗಳಲ್ಲಿ ಸಿಕ್ಸ್ ಬಾರಿಸಿದ ದಿನೇಶ್ ಕಾರ್ತಿಕ್ ಗೆಲುವಿನ ರೂವಾರಿ ಎನಿಸಿಕೊಂಡರು.
ಬಾಂಗ್ಲಾ ನೀಡಿದ 167 ರನ್ ಗುರಿ ಬೆನ್ನಟ್ಟಿದ ಭಾರತಕ್ಕೆ, ನಾಯಕ ರೋಹಿತ್ ಶರ್ಮಾ ಭರ್ಜರಿ ಆರಂಭ ಒದಗಿಸಿದರು. ಆರಂಭಿಕ ಓವರ್ಗಳಲ್ಲಿ ರೋಹಿತ್ ಸಿಡಿಸಿದ 3 ಸಿಕ್ಸರ್ ಬಾಂಗ್ಲಾ ಆಟಗಾರರಲ್ಲಿ ನಡುಕ ಹುಟ್ಟಿಸಿತ್ತು. ಆದರೆ, ಶಿಖರ್ ಧವನ್ ಹಾಗೂ ಸುರೇಶ್ ರೈನಾ ಅವರ ವಿಕೆಟ್ ಕಳೆದುಕೊಂಡ ನಂತರ ಭಾರತ ನಿಧಾನಗತಿಯ ಬ್ಯಾಟಿಂಗ್ಗೆ ಶರಣಾಗಬೇಕಾಯಿತು. ಕೆ.ಎಲ್. ರಾಹುಲ್ 14 ಎಸೆತಗಳಲ್ಲಿ 24 ರನ್ ಗಳಿಸಿ ತಂಡಕ್ಕೆ ತಮ್ಮ ಕೊಡುಗೆ ನೀಡಿದರು.
3ನೇ ವಿಕೆಟ್ಗೆ ನಿಯಂತ್ರಣ ಕಾಯ್ದುಕೊಂಡು ಆಟವಾಡಿದ ರೋಹಿತ್ ಹಾಗೂ ಮನಿಷ್ ಪಾಂಡೆ ಜೋಡಿ, ಭಾರತ ತಂಡಕ್ಕೆ ಆಸರೆಯಾದರು. 14ನೇ ಓವರ್ ಚಾಲ್ತಿಯಲ್ಲಿದ್ದಾಗ, ಸ್ಪಿನ್ನರ್ ನಾಜ್ಮುಲ್ ಎಸೆತಕ್ಕೆ ಸಿಕ್ಸ್ ಬಾರಿಸಲೆತ್ನಿಸಿದ ರೋಹಿತ್ (56) ಮೊಹಮದುಲ್ಲಾಗೆ ಕ್ಯಾಚ್ ನೀಡಿದರು.
ವಿಕೆಟ್ ಕಾಯ್ದುಕೊಂಡು ಆಡಿದ ಮನಿಷ್ ಪಾಂಡೆ ಬಹುಕಾಲ ಭಾರತಕ್ಕೆ ಆಸರೆಯಾದರು. 18 ಓವರ್ನಲ್ಲಿ ಭಾರತಕ್ಕೆ 35 ರನ್ ಬೇಕಾಗಿದ್ದಾಗ, ಮುಸ್ತಫಿಜುರ್ ಎಸೆದ ಮೊದಲ 4 ಬೌಲ್ಗಳನ್ನ ಮಿಸ್ ಮಾಡಿದ ವಿಜಯ್ ಶಂಕರ್ ಭಾರತವನ್ನು ಇಕ್ಕಟ್ಟಿಗೆ ಸಿಲುಕಿಸಿದರು. ಇದೇ ಓವರ್ನ ಕೊನೆಯ ಎಸೆತದಲ್ಲಿ ಮನಿಷ್ ಪಾಂಡೆ ವಿಕೆಟ್ ಒಪ್ಪಿಸಿದರು.
19ನೇ ಓವರ್ ಆರಂಭಕ್ಕೆ ಬ್ಯಾಟಿಂಗ್ಗೆ ಬಂದ ದಿನೇಶ್ ಕಾರ್ತಿಕ್ ಭಾರತಕ್ಕೆ ಮತ್ತೆ ಗೆಲುವಿನ ಆಸೆ ಮೂಡಿಸಿದರು. ಒಂದೇ ಓವರ್ನಲ್ಲಿ 22 ರನ್ ಗಳಿಸಿದ ಕಾರ್ತಿಕ್ ಇಂಡಿಯನ್ ಫ್ಯಾನ್ಸ್ಗಳಲ್ಲಿ ನಗು ಮೂಡಿಸಿದರು. ಕೊನೆಯ ಎಸೆತದಲ್ಲಿ ಗೆಲುವಿಗೆ 5 ರನ್ ಬೇಕಿದ್ದಾಗ ಸಿಕ್ಸ್ ಬಾರಿಸಿದ ದಿನೇಶ್ ಕಾರ್ತಿಕ್(8 ಎಸೆತಗಳಲ್ಲಿ 29) ಗೆಲುವಿನ ರೂವಾರಿಯಾದರು.
ಟಾಸ್ ಗೆದ್ದ ಭಾರತ ತಂಡ ಫೀಲ್ಡಿಂಗ್ ಆರಿಸಿಕೊಂಡಿತು. ಆರಂಭಿಕ ಬ್ಯಾಟ್ಸ್ಮನ್ ತಮೀಮ್ ಇಕ್ಬಾಲ್ 15 ರನ್ ಹಾಗೂ ಲಿಟನ್ ದಾಸ್ 11 ರನ್ ಗಳಿಸಿದ್ದಾಗ, ಕ್ರಮವಾಗಿ ಸ್ಪಿನ್ನರ್ಗಳಾದ ಯಜುವೀಂದ್ರ ಚಹಲ್ ಹಾಗೂ ವಾಷಿಂಗ್ಟನ್ ಸುಂದರ್ ಎಸೆತಕ್ಕೆ ಬಲಿಯಾದರು. ಇಕ್ಕಟ್ಟಿಗೆ ಸಿಲುಕಿದ್ದ ಬಾಂಗ್ಲಾಕ್ಕೆ ಒನ್ಡೌನ್ ಪ್ಲೇಯರ್ ಶಬ್ಬೀರ್ ರಹಮಾನ್ ತಂಡಕ್ಕೆ ಆಸರೆಯಾದರು. 4 ಸಿಕ್ಸರ್ ಹಾಗೂ 7 ಬೌಂಡರಿ ಬಾರಿಸಿದ ಶಬ್ಬೀರ್, 50 ಎಸೆತಗಳಲ್ಲಿ 77 ರನ್ ಗಳಿಸಿದರು.
0 comments